პრემიერ-მინისტრის, ნიკა გილაურის განცხადებით, საქართველოს რეგიონალური ცენტრის ფუნქცია მალე კიდევ უფრო გაიზრდება.
როგორც მან პარლამენტის დღევანდელ რიგგარეშე სხდომაზე აღნიშნა, საქართველოს რეგიონალური ცენტრის ფუნქცია, ევროკავშირთან თავისუფალი ვაჭრობის შესახებ მოლაპარაკებებს დაასრულების შემდეგ კიდევ უფრო გაიზრდება.
მისი განმარტებით, რეგიონული ცენტრად ქცევაში გულისხმობს ღია ეკონომიკას, ეკონომიკას კორუფციის გარეშე, კარგ სატრანსპორტო ინფრასტრუქტურას და გეოგრაფიულ მდებარეობას, რაც საბოლოო ჯამში, ქვეყანას კრიზისების დროს, დამატებით გარანტიას აძლევს.
პრემიერ-მინისტრის განცხადებით, საქართველომ რეფორმების ექსპორტიორის როლიც შეიძინა, რაც როგორც პრეზიდენტის და პარლამენტის, ისე მოსახლეობის დამსახურებაა. მისი თქმით, მოსახლეობამ დაამტიიცა, რომ შესაძლებელია კორუფცია დაამარცხო.
გილაურის თქმით, რიგ პოსტსაბჭოთა ქვეყნებს ხშირად ეკითხებიან, რატომ ვერ დასძლიეს კოპრუფცია, როგორც ეს საქართველომ შეძლო. მისი განცხადებით, რეფორმების შესწავლის მიზნით საქართველოში თთითქმის ყოველდღიურად ჩამოდიან დელეგაციები და ასევე საქართველოდან ხშირად უწევთ სხვა ქვეყნებში ამ მიზნით გამგზავრება.
პარლამენტში მთავრობის განახლებული შემადგენლობისათვის ნდობის გამოცხადების საკითხის განხილვა მიმდინარეობს. ამ წუთებში პრემიერ-მინისტრი ნიკა გილაური დეპუტატებს სამთავრობო პროგრამას აცნობს.