კონტროლის პალატას განუსაზრვრელი უფლებები აქვს და კანონით დადგენილი ნორმებით არ მოქმედებს, - ამის შესახებ "ჯი-ეი-ჩენს" "რესპუბლიკელების" ლიდერმა დავით უსუფაშვილმა განუცხადა.
მისივე თქმით, კონტროლის პალატას კანონი აძლევს განუსაზღვრელ უფლებამოსილებას.
,,კონტროლის პალატის თავმჯდომარე და უმრავლესობა იძულებილი რომ გახდნენ, ეს საქმე პარლამენტში განეხილათ უკვე მეტყველებს იმაზე, რომ ყველა ის ფაქტი, რაზეც ჩვენ ვსაუბრობდით არის სიმართლე და ეს სიმართლე გაიგო მსოფლიო დემოკრატიულმა საზოგადოებამაც. ამიტომ იძულებულები გახდნენ გაეკეთებინათ ეს მოსმენა. Fფაქტია, რომ უწყებაში ორი დღის წინ დაბარებული ადამიანები ამბობდნენ, რომ მათ მიმართ კონტროლის პალატის წარმომადგენლები უკვე გამოირჩეოდნენ ზრდილობით და ასე ვთქვათ, წესიერებით", _ განაცხადა "ჯი-ეიჩ-ენთან" საუბარში უსუფაშვილმა.
მისივე თქმით, თავად ბეჟაშვილი უნდა იყოს დაინტერესებული კონტროლის პალატის უფლებამოვალეობის გარკვევაში.
,,ამასთნ, კონტროლის პალატას კანონი აძლევს განუსაზღვრელ უფლებამოსილებას, მეორე მხრივ მას არა აქვს განსაზრვრული პროცედურები, რის მიხედვითაც განახორციელებს შესაბამის პროცედურებს. ვფიქრობ, თავად ბეჟაშვილი უნდა იყოს დაინტერესებული კონტროლის პალატის კანონი გასწორდეს და ცივილური სახე მიიღოს.
შეგახსენებთ, კონტროლის პალატის თავმჯდომარე ლევან ბეჯაშვილი პარლამენტში საფინანსო-იურიდიული კომიტეტის სხომაზე იმყოფებოდა და დეპუტატების შეკითხვებს უპასუხა.