"ქართული დასის" ლიდერი ჯონდი ბაღათურია კონტროლის პალატის ხელმძღვანელს ლევან ბეჟაშვილს თანამდებობის დატოვებისკენ მოუწოდებს.
აღნიშნული მოწოდებით ბაღათურიამ დღეს იურიდიულ და საფინანსო-საბიუჯეტო კომიტეტების გაერთიანებულ სხდომაზე მიწვეულ კონტროლის პალატის თავმჯდომარეს პირადად მიმართა.
დეპუტატის თქმით, ამ ნაბიჯით იგი ქვეყანას ტრაგედიისგან იხსნის.
"ახლა თქვენ გაქვთ საშუალება, პროტესტის ნიშნად, დაკავებული თანამდებობიდან გადადგეთ, რითიც სახელს შეინარჩუნებთ და სახელმწიფოს იმ ტრაგედიისგან იხსნით, რისკენაც პრეზიდენტი უბიძგებს ქვეყანას", - მიმართა ბაღათურიამ ბეჟაშვილს.
ბეჟაშვილი პარლამენტში კონტროლის პალატის მიერ განხორციელებული ქმედებების მართლზომიერებაზე ახსნა-განმარტების გასაკეთებლად დაიბარეს.
