უახლოეს მომავალში კონტროლის პალატაში აუდიტის ჯგუფი შეიქმნება. ამის შესახებ კონტროლის პალატის თავმჯდომარემ ლევან ბეჟაშვილმა პარლამენტში, საფინანსო-საბიუჯეტო და იურიდიული კომიტეტების გაერთიანებულ სხდომაზე განაცხადა და აღნიშნა, რომ აუდიტორთა ჯგუფი უშუალოდ პარტიებთან მიმართებაში იმუშავებს.
კერძოდ, მისი თქმით, ჯგუფი პოლიტიკურ პარტიებს მათთვის საჭირბოროტო საკითხებზე კონსულტაციებს გაუწევს და საჭიროების შემთხვევაში გარკვეულ დახმარებას აღმოუჩენს.
"პოლიტიკური პარტიები ამ პროცესში ჩვენი პარტნიორები არიან და ბუნებრივია მათთან მჭიდრო კომუნიკაცია გაგრძელოდება", - აღნიშნა ბეჟაშვილმა.
