პოლიტიკური პარტიის რეგისტრაციიდან მოხსნის შესაძლებლობას კანონი არ დაუშვებს. ამის შესახებ შეთანხმებას, არასამთავრობო ორგანიზაციებმა და პარლამენტის იურიდიულ საკითხთა კომიტეტმა, ხანგრძლივი კონსულტაციების შემდეგ მიაღწიეს.
როგორც ჟურნალისტებს იურიდიული საკითხთა საპარლამენტო კომიტეტის თავმჯდომარემ პავლე კუბლაშვილმა კამპანიია "ეს შენ გეხებას" წარმომადგენლებთან შეხვედრის შემდეგ განუცხადა, პარტიის რეგისტრაციიდან მოხსნის არანაირი მექანიზმი "მოქალაქეთა პოლიტიკური გაერთიანებების შესახებ" კანონში აღარ იქნება.
შეგახსენებთ, რომ აქამდე მოქმედი კანონით, პარტიის მიერ ფინანსური ვალდებულებების არაერთგზის დარღვევის ან საქართველოს კონტროლის პალატის კანონიერი მოთხოვნის განზრახ შეუსრულებლობის შემთხვევაში, ან თუ სამართალდარღვევამ მნიშვნელოვანი ზიანი გამოიწვია, ცესკო უფლებამოსილია კონტროლის პალატის წარდგინების საფუძველზე საარჩევნო სუბიექტს შეუჩეროს საარჩევნო რეგისტრაცია, თუ დარღვევა გულისხმობს არჩევნებამდე 1 წლის განმავლობაში ჩადენილ ქმედებას.
"მოქალაქეთა პოლიტიკური გაერთიანების შესახებ" კანონში ცვლილებებთან დაკავშირებით კონსულტაციები საბოლოოდ დასრულდა და მისი ინიცირება პარლამენტში, სავარაუდოდ 21 მარტს მოხდება.