პარლამენტის ოპოზიციონერი ვიცე-სპიკერი პაატა დავითაია რუსეთის პრეზიდენტის მიერ, კრასნოდარის მხარის გუბერნატორის აფხაზეთში რწმუნებულად დანიშვნის საკითხზე სასწრაფო რეაგირებას ითხოვს.
როგორც ბიუროს დღევანდელ სხდომაზე დავითაიამ განაცხადა, რუსეთის პრეზიდენტის აღნიშნული ბრძანებულება, აფხაზეთის ოკუპირებული ტერიტორიიის რუსეთთან ოფიციალურად მიერთებას ნიშნავს.
დავითაიას ინფორმაციით, ამ ფაქტით თავად აფხაზებიც არიან აღშფოთებული, რადგან ესმით, რომ არანაირ დამოუკიდებლობაზე საუბარი არ შეიძლება იყოს, როცა ფაქტიურად ხდება აფხაზეთის მიერთება კრასნოდართან.
,,გუბერნატორი თავად არის ოლიმპიური კომიტეტის წევრი და ხდება ოკუპირებული ტერიტორიის რწმუნებული, ეს ყოვლად მიუღებელია და რა თამაშებზეა საუბარი, ამას უნდა მოჰყვეს ძალიან სერიოზული რეაგირება,, - აღნიშნა დავითაიამ და მოუწოდა ბიუროს, დაევალოს სპორტისა და ახლაგაზრდულ საქმეთა სამინსტროს, ასევე ოლიმპიურ კომიტეტს, მიმართოს მსოფლიო ოლიმპიურ კომიტეტს, დააყერნონ საკითხი რაც რეალურად ხდება ოლიმპიურ თამაშებთან დაკავშირებით.
შეგახსენებთ, რომ ალექსანდრე ტკაჩევი რუსეთის პრეზიდენტმა დიმიტრი მედვედევმა ოკუპირებული აფხაზეთის დე-ფაქტო რესპუბლიკაში. პრეზიდენტის სპეციალური წარმომადგენლის პოსტზე 11 მარტს დანიშნა.
