კონტროლის პალატის ხელმძღვანელი ლევან ბეჟაშვილი დღეს პარლამენტს ახსნა-განმარტებას ჩააბარებს. როგორც პარლამენტის დღევანდელ ბიუროს სხდომაზე პარლამენტის თავმჯდომარემ დავით ბაქრაძემ განაცხადა, ბოლო დროს საზოგადოებაში უამრავი კითხვა გაჩნდა კონტროლის პალატის ქმედებებთან დაკავშირებით.
მისი თქმით, პარლამენტმა უნდა მოისმინოს რა ნაბიჯები გადაიდგა, რამდენად მიზანშეწონილი და კანონიერი კონტროლის პალატის მხრიდან განხორციელებული პროცესები.
ბაქრაძემ საფინასო და იურიდიულ კომიტეტებს დაავალა, დღესვე იქნას მოწვეული კონტროლის პალატის ხელმძღვანელი და ღია ფორმატით მოხდეს მისი მოსმენა, რათა ყველას მიეცეს საშუალება დასვან შეკითხვები.
ბაქრაძის განცხადებით, ლევან ბეჟაშვილი მზადაა პარლამენტში სტუმრობისთვის.
კონტროლის პალატის ხელმძღვანელი პარლამენტში დღეს სავარაუდოდ 17:00 საათზე მივა.
