"ქრისტიან-დემოკრატები" სოციალურ პაკეტთან დაკავშირებით მთავრობას ალტერნატიულ წინადადებებს სთავაზობენ. როგორც დღეს გამართულ ბრიფინგზე ფრაქციის წევრმა მაგდა ანიკაშვილმა განაცხადა, მათთვის მიუღებელია, საპენსიო და სოციალური პეკეტების შემოღებით სახელმწიფოს მიერ გასაცემი თანხის მხოლოდ დასახელების შეცვლა. მისი თქმით, მინიმალურ პენსიად კვლავ 55 ლარი რჩება, რაც ოფიცილარ საარსებო მინიმუმზე სამჯერ ნაკლებია.
,,მთავრობამ პირველ ეტაპზე ჯანმრთელობის დაზღვვეის პოლისით სოციალური პაკეტის ყველა მფლობელი უნდა უზრუნველყოს, მათ შორის, უპირველესად, მეორე ჯგუფის შეზღუდული შესაძლებლობების პირები, მარჩენალდაკარეგულები და პოლიტრეპრესირებულები. ამას სახელმწიფო ბიუჯეტში მხოლოდ 5 მილიონი ლარის გამოყოფა დასჭირდება. ასევე, იმ შემთხვევასი, თუ მამაკაცები 140-ლარიან საპენსიო პაკეტს 67 წლიდან მიიღებენ, ის ქალბატონებს 62 წლიდან უნდა მიენიჭოთ. წინააღმდეგ შემთხვევაში, ეს სქესის მიხედვით მოქალაქეთა დისკრიმინაცია იქნება. რადგან მამაკაცები პენსიაზე 65, ქალები კი 60 წლიდან გადიან,, - განაცხადა დეპუტატმა.
"ქრისტიან-დემოკრატები" ასევე მოითხოვენ, რომ მთავრობამ რეგიონებში მცხოვრები შეზღუდული შესაძლებლობევბის მქონე 3000-მდე ბავშვისთვის ჯანმრთელობის დაზრვევის თანხა გამოყოს, რაც ბიუჯეტიდან 180 000 ლარის გამოყოფას საჭიროებს.
ფრაქციის თავმჯდომარე გიორგი ახვლედიანი ბრიფინგზე ომის ვეტერანების სახელმწიფო დაზღვევით უზრუნველყოფის საკითხს შეეხო და აღნიშნა, რომ აუცილებელია 45 000 ვეტერანის დაზღვევა.
"ქრისტიოან-დემოკრატები" მოითხოვენ, სოციალური პაკეტის მიღების წესი და საფუძველი არა მტავრობის დადგენილებით, არამედ კანონით გაიწეროს, რადგან მთავრობის დადგენილება გაუმჭვირვალედ მიიღება.
"ქრისტიან-დემოკრატები" აღნიშნულ წინადადებას საპენსიო კანონმდებლობის მეორე მოსმენით განხილვისას დასვამენ.