"ქართული ოცნების" პრეს-სპიკერმა საზოგადოებას რამდენიმე სახელმწიფო მოხელის სახელფასო მონაცემები გააცნო. Aასევე მაია ფანჯიკიძემ კონტროლის პალატას მოუწოდა, დაინტერესდნენ სახელმწიფო ბიუჯეტიდან დაფინანსებული მოხელეების სახელფასო მონაცემებით.
"ეს ხელისუფლება უკანონოდ იქექება კერძო პირის ბიძინა ივანიშვილის ჯიბეში და იკვლევს იმას, თუ ვინ რამდენი პრემია და ხელფასი მიიღო. მაშინ, როცა ჩვენი ხელისუფლება, ჩვენს ფულს, სახელმწიფო ბიუჯეტს, მაგალითად ასე განკარგავს: მაშინ, როცა საქართველოს პრემიერ-მინისტრის ნიკა გილაურის ხელფასი შეადგენს 35 000 ლარს, ხოლო პრემიის სახით მიღებული აქვს 72 000 ლარი, შინაგან საქმეთა მინისტრის მოადგილის ეკა ზღულაძის ხელფასი 35 000 ლარია, ხოლო პრემია 72 000 ლარი, კონსტანტინე კუბლაშვილის, უზენაესი სასამართლოს თავმჯდომარის ხელფასი 49 000, ხოლო პრემია _ 78 000 ლარია. როგორც ხედავთ, კოალიციის წარმომადგენლებთან შედარებით სახელმწიფო ბიუჯეტიდან დაფინანსებული პირთა ხელფასი ბევრად მაღალია", _ განაცხადა მაია ფანჯიკიძემ.
