აჭარაში, სამდღიანი სამუშაო ვიზიტით "SGS" მოლდავას ესპერტი იმყოფება. ვიზიტის ფარგლებში, სერგეი კროიტორმა სალიბაურის სასათბურე მეურნეობა ,,აიკონ ჯგუფი'' სოფლის მეურნეობის სამინისტროს წარმომადგენლებთან და ხელვაჩაურის მუნიციპალიტეტის გამგებლის მოადგილესთან ერთად დაათვალიერა და იქ არსებულ მდგომარეობას გაეცნო.
ვიზიტის მიზანია რეგიონში ფერმერთა ასოციაციებში "GLOBALGAP''-ის სტანდარტების დანერგვა, რომელიც ევროკავშირის ქვეყნებში მოქმედებს. იმ შემთხვევაში, თუ ფერმერების მიერ მოწეული პროდუქცია შესაბამის სტანდარტს დააკმაყოფილებს, მათ შესაბამისი ხარისხის დამადასტურებელი ერთ წლიანი სპეციალური სერტიფიკატი გადაეცემათ.
გერმანული ორგანიზაციის "SGS" მოლდავას ოფისი ციტრუსოვანთა და ბოსტნეულის ტიპის მცენარეებზე სპეციალურ მონიტორინგს განახორციელებს, რომლის სტანდარტების დაკმაყოფილების შემთხვევაში, ფერმერებს საშუალება მიეცემათ მათი პროდუქცია ევროკავშირის ქვეყნების ბაზარზე გავიდეს.
სერგეი კროიტორის განცხადებით, მალე "GLOBALGAP''-ის სერტიფიკატს საქართველო სოფლის მეურნეობის დარგშიც მიიღებს. ორგანიზაცია მონიტორინგს მსოფლიოს 108 ქვეყანაში აწარმოებს.