ფრაქცია ,,ერთობა სამართლიანობისათვის,, მინისტრის პოსტზე ჭიაბერაშვილის დანიშვნას, მოახლოებულ არჩევნებს უკავშირებს. ამის შესახებ ფრაქციის მდივანმა გიორგი ცაგარეიშვილმა, შრომის, ჯანმრთელობისა და სოციალური დაცვის მინისტრობის კანდიდატთან შეხვედრის დასრულების შემდეგ განაცხადა.
მისი თქმით, ზურაბ ჭიაბერაშვილთან შეხვედრაზე უმრავი შეკითხვა დაისვა, რაზეც მინისტრობის კანდიდატმა განაცხადა, რომ ჯანდაცვის სფეროში არაფრის შეცვლას არ აპირებს და გააგრძელებს აღებულ კურსს.
„ჩვენი შეკითხვები შეეხებოდა უკუღმათ დაზღვევის სისტემას, მრავალშვილიან ოჯახებთან დაკავშირებულ პრობლემებს, ექიმთა დახელოვნების საკითხს, პენიტენციალურ სისტემაში არსებულ ჯანდაცვის პრობლემებს. ჭიაბერაშვილი მიიჩნევს, რომ ხელისუფლებას ჯანდაცვის რეფორმა სწორი კუთხით მიჰყავს, რის გამოც, ის არსებული პოლიტიკის შეცვლას არ აპირებს. ჭიაბერაშვილის რესურსი მიმართული იქნება - სოციალური ბიუჯეტის ხარჯვაზე, რითაც ხელისუფლება ამომრჩეველთა მოსყიდვას შეეცდება", - განაცხადა ცაგარეიშვილმა.
მისივე თქმით, არჩევნების წინ, ასეთი ადამიანის მოძებნა მმართველი გუნდისთავის მნიშვნელოვანია, რადგან ის ცესკოში მუშაობდა და კარგად ერკვევა - აღრიცხვაში, სტატისტიკასა და სრული მონაცემთა ბაზის შექმნაში.
შეგახსენებთ, რომ შრომის, ჯანმრთელობისა და სოციალური დაცვის მინისტრის პოსტზე ანდრია ურუშაძე - ზურაბ ჭიაბერაშვილმა ჩაანაცვლა.
მისი კანდიდატურის განხილვა ხვალისნდელ რიგგარეშე სხდომაზე იგეგმება. ფრაქცია ,,ერთობა სამართლიანობისათვის,, მას მხარს არ დაუჭერს.
