დღეს, 19 მარტს, 12:00 საათზე შრომის, ჯანმრთელობისა და სოციალური დაცვის მინისტრობის კანდიდატი ზურაბ ჭიაბერაშვილი ჯანდაცვის კომიტეტის სხდომაზე მივა და ჯანდაცვისა და სოციალურ სფეროებში მის პრიორიტეტებსა და ხედვებზე ისაუბრებს.
შრომის, ჯანმრთელობისა და სოციალური დაცვის მინისტრის ცვლილების შესახებ პრემიერ-მინისტრმა განცხადება 15 მარტს გააკეთა.
მინისტრთა კაბინეტისთვის ნდობის გამოცხადების საკითხი პარლამენტში 15 მარტსვე შევიდა.
მთავრობისთვის ნდობის გამოცხადებაზე კენჭისყრა პარლამენტში 20 მარტს რიგგარეშე სხდომაზე მოხდება. მანამდე კი საპარლამენტო კომიტეტებმა შეხვედრები შესაბამისი პროფილის მინისტრებთან უნდა გამართონ. თუმცა, კომიტეტები მხოლოდ ჯანდაცვის მინისტრობის კანდიდატით ინტერესდებიან.
მინისტრთა კაბინეტის ხელახალი დამტკიცების ვალდებულება პარლამენტს, ჯანდაცვის მინისტრის ანდრია ურუშაძის ზურაბ ჭიაბერაშვილით შეცვლის გამო გაუჩნდა. კერძოდ, მთავრობაში უკვე მე-7 მინისტრი იცვალება და მინისტრთა კაბინეტს კანონის თანახმად, ნდობა პარლამენტმა ხელახლა უნდა გამოუცხადოს.
საქართველოს პარლამენტის რეგლამენტის 184-მუხლის თანახმად, პარლამენტის მიერ, მთავრობის შემადგენლობისა და სამთავრობო პროგრამისათვის ნდობის გამოცხადების შემდეგ მთავრობის თავდაპირველი შემადგენლობის ერთი მესამედით, მაგრამ არანაკლებ 5 წევრით განახლების შემთხვევაში, საქართველოს პრეზიდენტი 1 კვირის ვადაში წარუდგენს პარლამენტს მთავრობის შემადგენლობას ნდობის მისაღებად, სრული შემადგენლობის უმრავლესობის მხარდაჭერა სჭირდება.
შრომის, ჯანმრთელობისა და სოციალური დაცვის მინისტრი ანდრია ურუშაძე, საქართველოს საგანგებო და სრულუფლებიანი ელჩმა შვეიცარიასა და ლიხტენშტეინში, ზურაბ ჭიაბერაშვილმა შეცვალა.
