"რუსეთი სტრატეგიულ სწავლებას "კავკაზ-2012" გეგმავს, რომლებიც თავისი მასშტაბით ბევრად აღემატება 2008 წელს ჩატარებულ სწავლებებს, თუმცა მათ იგივე მიზანი აქვ", _ განაცხადა რადიოსადგურ "ეხო მოსკვისათვის" მიცემულ ინტერვიუში საქართველოს საგარეო საქმეთა მინისტრმა გრიგოლ ვაშაძემ ჟურნალისტის კითხვაზე პასუხის გაცემისას, რომელიც საქართველოსა და რუსეთს შორის კიდევ ერთი ომის შესაძლებლობას ეხებოდა.
"ამიტომაც დღეს საქართველოსათვის, რომელიც რუსეთის ფედერაციასთან ახლოს, გეოგრაფიულად ახლოს იმყოფება სრული გულუბრყვილობა იქნებოდა გამოერიცხა სამხედრო აგრესიის განმეორების შესაძლებლობა", _ აცხადებს საგარეო საქმეთა მინისტრი და აღნიშნავს, რომ რუსი სამხედროები არც ფიქრობენ თავიანთი აგრესიული განრახვების დამალვას.
კითხვაზე პასუხისნ გაცემისას თუ რაში სჭირდება რუსეთს კიდევ ერთხელ საქართველოში შეჭრა ვაშაძე პასუხობს:
"რად უნდა რუსეთს ასეთი მეზობლობა? რად უნდა რუსეთს შეჯიბრი დემოკრატიულობის თვალსაზრისით? 300 ათასი ადამიანი, რომლებიც ჩამოდიან საქართველოში ეს ხომ 300 ათასი მოწმეა იმისა თუ როგორ შეიცვალა ეს ქვეყანა და როგორ არრძელებს იგი ცვლილებას. მერწმუნეთ, ეს მცირედი ფაქტორი როდია", _ აცხადებს გრიგოლ ვაშაძე.
