ტერორისტული ორგანიზაცია "ალ-ქაიდას" მთაური უსამა ბინ ლადენი აშშ-ს პრეზიდენტის ბარაკ ობამასა და აშშ-ს ცენტრალური სადაზვერვო სამსახურის ამჟამინდელი დირექტორის დევიდ პეტრეუსის ლიკვიდაციას გეგმავდა, რომელიც ადრე ავღანეთში ნატოს ჯარებს მეთაურობდა. ინფორმაციას ამის შესახებ "სი-ენ-ენი" ავრცელებს.
მათი ინფორმაციით, ბინ ლადენის მიმოწერის რამდენიმე დოკუმენტი დღეს ჟურნალისტებს თეთრი სახლის წარმომადგენელმა გააცნო.
მიმოწერიდან ცხადი ხდება, რომ ბინ ლადენი თავის მომხრეებს მოუწოდებდა თავდასხმა მოეხდინათ აშშ-ს პრეზიდენტსა და ნატოს ჯარების ხელმძღვანელზე, მაშინ როდესაც ისინი ავღანეთში იქნებოდნენ. ბინ ლადენი ბარაკ ობამას ვერტმფრენის იერიშს მოითხოვდა და ვარაუდობდა, რომ ობამას ლიკვიდაციის შემთხვევაში აშშ-ს მართვის სადავეები ვიცე-პრეზიდენტის ჯო ბაიდენის ხელში გადავიდოდა, ის კი ბინ ლადენის აზრით "მზად არ იყო ამ თანამდებობისათვის და ამიტომაც აშშ-ს კრიზისი შთანთქავდა". პეტრეუსის ლიკვიდაცია, კი მსოფლიოს ნომერ პირველი ტერორისტის აზრით, "ავღანეთში სამხედრო სცენარის შეცვლას" გამოიწვევდა.
შეგახსენებთ, რომ უსამა ბინ ლადენი 2011 წლის 2 მაისს მოკლეს. მისი ცხედარი ზღვაში გადააგდეს. "ალ-ქაიდას" ახალ ლიდერად აიმან აზ-ხავაჰირია არჩეული.
