"ნატახტარის ლიმონათის" საქველმოქმედო პროექტის პირველი ეტაპი - თანხის შეგროვება - დასრულდა. ასევე დასრულებულია 16-იდან 18 წლამდე მზრუნველობამოკლებული ბავშვების ბაზის შედგენა. მომავალი კვირიდან, ბავშვებთან მუშაობას დაიწყებენ ფსიქოლოგობი.მათი დასკვნის შემდეგ მოხდება ბავშვებისთვის საინტერესო და საჭირო პროგრამებისა და მიმართულებების დადგენა.
შეგროვებული თანხის მოცულობაა142802ლარი, იგი შესაბამისი პროექტების მიხედვით გადანაწილდება და მთელი წლის განმავლობაში გაიხარჯება. კონკრეტულად პროექტების შესახებ ვრცელი მოხსენება გაკეთდება მიმდინარე კვირის განმავლობაში საგანგებოდ მოწყობილ პრესკონფერენციაზე.
კომპანია "ნატახტარმა" 2011 წლის ნოემბერში, დააფუძნა ფონდი "ნატახტარი" და დაიწყო საქველმოქმედო პროექტის "იზრუნე მომავალზე" განახორციელება. 3 თვის განმავლობაში "ნატახტარის ლიმონათის" თითოეული გაყიდული ბოთლიდან ფონდში ირიცხებოდა 1, 3 და 5 თეთრი (შეფუთვების შესაბამისად 0.5ლ; 1ლ და 2ლ).
პროექტი ხორციელდება ასოციაცია "ჩვენი სახლი - საქართველოს" მხარდაჭერით და საქართველოს პატრიარქის თანადგომითა და ლოცვა-კურთხევით.
