გაეროს ყოფილმა გენერალურმა მდივანმა, ამჟამად გაეროსა და არაბული სახელმწიფოების ლიგის სპეციალურმა წარმომადგენელმა კოფი ანანმა სირიის პრეზიდენტთან ბაშარ ასადთან გამართული მოლაპარაკებების დროს წარმატებას ვერ მიაღწია. მოლაპარაკებები სირიაში ცეცხლის შეწყვეტის შესახებ მიმდინარეობდა. ინფორმაციას ამის შესახებ "Los Angeles Times" ავრცელებს.
"მცირე ნაწილი იმედოვნებდა, რომ კოფი ანანი შეძლებდა იმ სიტუაციიდან გამოსავლის მოძებნას, რომელიც უკვე ერთი წლის განმავლობაში სირიაშია შექმნილი. ამიტომაც ანანსა და ასადს შორის გამართული მოლაპარაკებების შედეგები არ იძლევა იმის ფიქრის საშუალებას, რომ მალე სირიაში მშვიდობა დამყარდება. ასადის რეჟიმი ამ დროისათვის ვერც ერთ მიზეზს ვერ ხედავს იმისათვის, რომ წარმოებული კურსი შეცვალოს", _ ციტირებს გამოცემა საერთაშორისო კრიზისული ჯგუფის ექსპერტს პიტერ ჰარლინგს.
მასალის გამოყენების პირობები
