პარლამენტის თავმჯდომარე დავით ბაქრაძე ჩხოროწყუს მოსახლეობას შეხვდა, სამეგრელოს ეკონომიკური განვითარების პერსპექტივები გააცნო და რეგიონის ტურისტული ინფრასტრუქტურის მშენებლობაზე ესაუბრა.
ბაქრაძის განცხადებით, სამეგრელო ეკონომიკურად განვითარებული ცენტრი იქნება, მოწესრიგდება ტურიზმის განვითარებისთვის საჭირო ინფრასტრუქტურა, რაც ტურისტების მოზიდვასთან ერთად რეგიონს დამატებით შემოსავალს მოუტანს.
"ფოთიდან დაწყებული, განმუხურით დამთავრებული, სამეგრელო უნდა იყოს ერთ-ერთი განვითარებული ეკონომიკური ცენტრი საქართველოში. აფხაზეთის დაბრუნების გარანტი სწორედ ძლიერი, განვითარებულისაქართველო იქნება",- განაცხადა ბაქრაძემ.
პარლამენტის თავმჯდომარემ ყურადღება იმ სოციალურ პროექტებზე გაამახვილას, რომლის განხორციელებასაც მთავრობა უახლოეს პერიოდში გეგმავს. ბაქრაძემ მოსახლეობას განუმარტა, რომ მიმდინარეობს მოლაპარაკება აზერბაიჯანის ხელისუფლებასთან, რომ კერძო კომპანია "სოკარმა" დააჩქაროს გაზიფიცირების პროცესი საქართველოს ტერიტორიაზე.
მოსახლეობასთან შეხვედრის შემდეგ, ბაქრაძემ დაბა ჩხოროწყუში მშენებარე მრავალპროფილიანი საავადმყოფო მოინახულა.
პარლამენტის თავმჯდომარემ აღნიშნა, რომ ერთ წელიწადში 2 მლნ-ზე მეტ მოქალაქეს ჯანმრთელობის დაზღვევა ექნება და სადაზღვევო კომპანიებთან ურთიერთობას მოქალაქეებსა და სადაზღვევო კომპანიებს შორის მედიაციის სამსახური დაარეგულირებს.
