ჯგუფი The Rolling Stones 50 წლის იუბილეს ფოტოალბომის "The Rolling Stones: 50" გამოშვებით აღნიშნავს. ალბომს გამომცემლობა Thames & Hudson გამოუშვებს და გაყიდვაში 2012 წლის ივლისს, ჯგუფის პირველი კონცერტიდან ზუსტად 50 წლის შემდეგ, გამოვა. The Rolling Stones-ის პირველი ოფიციალური გამოსვლა 1962 ლის 12 ივლისს ლონდონში კლუბ Marquee-ში შედგა.
ალბომში შევიდა 700 ფოტოსურათი. ბევრი სურათი ამოღებულია ბრიტანული ტაბლოიდის The Daily Miror-ის არქივიდან. სწორედ ამ გამომცემლობას ეკუთვნის The Rolling Stones-ის მსოფლიოში ყველაზე დიდი საგაზეთო ფოტოების კოლექცია.
ადრე გავრცელებული ინფორმაციით, The Rolling Stones-ის მონაწილეები ჯგუფის 50 წლის იუბილესთან დაკავშირებით გეგმავენ სხვადასხვა ღონისძიებას. კერძოდ, 2011 წლის გაზაფხულზე გიტარისტი რიჩარდსი აცხადებდა, რომ ჯგუფი მინიმუმ ერთ საიუბილეო კონცერტს ჩაატარებდა. საზეიმო ღონისძიებაში The Rolling Stones-ის წევრის, მიკ ჯაგერის მონაწილეობის საკითხი ღია რჩება.
