დუბაიში მიმდინარე პრესტიჟული ტურნირის ნახევარფინალისტები გამოვლინდნენ. არაბთა გაერთიანებული საემიროების დედაქალაქში მიმდინარე შეჯიბრებაზე მერვე ნომრად განთესილმა ხუან მარტინ დელ-პორტრომ ფრანგ ჟო-ვილფრიდ ცონგას 7:6,6:2 მოუგო და ნახევარფინალში როჯერ ფედერერს შეხვდება. მეორე ნახევარფინალურ შეხვედრაში ერთმანეთს სერბი ნოვაკ ჯოკოვიჩი და შოტლანდიელი ენდი მარეი დაუპირისპირდებიან.
"ტოპოთხეულის წარმომადგენელთან ნებისმიერი შეხვედრა სერიოზული გამოცდაა. ენდის ბოლოს ავსტრალიის ღია პირველობაზე შევხვდი და ხუთსაათიანი დაძაბული ორთაბრძოლა გავმართეთ. მარეი კორტზე კარგად მოძრაობს და ორივე ხელითაც მშვენივრად თამაშობს. დარწმუნებული ვარ, დუბაიშიც საინტერესო მატჩი გველის", - განაცხადა პლანეტის ნომერ პირველმა ჩოგანმა ნოვაკ ჯოკოვიჩმა.
