თებერვალში, წინა თვესთან შედარებით, საქართველოში ინფლაციის დონემ 0,2 პროცენტი შეადგინა. "საქსტატის" ინფორმაციით, თებერვალში ინფლაციის მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე: სასტუმროები, კაფეები და რესტორნები, ტრანსპორტი.
სტატისტიკის ეროვნული სამსახურის ინფორმაციით, სასტუმროები, კაფეები და რესტორნების ჯგუფზე ფასები გაიზარდა 2,7 პროცენტით და მისმა წვლილმა თებერვლის ინფლაციაში 0,12 პროცენტული პუნქტი შეადგინა. ფასების მნიშვნელოვანი ზრდა დაფიქსირდა საზოგადოებრივი კვების ქვეჯგუფზე (2,8 პროცენტი).
ხოლო ტრანსპორტის ჯგუფზე ფასები გაიზარდა 0,7 პროცენტით. შესაბამისად, ჯგუფის წვლილმა თვის ინფლაციის მაჩვენებელში 0,09 პროცენტული პუნქტი შეადგინა. ფასების მნიშვნელოვანი ზრდა დაფიქსირდა შემდეგ ქვეჯგუფებზე: საწვავ-საპოხი მასალა (1,9 პროცენტი) და სამოქალაქო საჰაერო ტრანსპორტი (1,3 პროცენტი).
