ბანკი "რესპუბლიკა" ავტომობილის განვადებით შეძენით დაინტერესებულ მომხმარებელს შესანიშნავ შანსს აძლევს. ბანკის ინფორმაციით, ბანკი "რესპუბლიკა" ერთნაირად ზრუნავს როგორც კორპორაციულ კლიენტებზე, ისე ფიზიკურ პირებზე, რომლებსაც საცალო საბანკო მომსახურების ფართო არჩევანს სთავაზობს.
ბანკის ინფორმაციით, შეზღუდული შემოსავლის პირობებში მომუშავე ადამიანებს გარკვეული სურვილების რეალიზაციაზე ხშირად საკუთარი თავისათვის უარის თქმა უწევთ. ბანკ "რესპუბლიკას" ასეთი ადამიანებისათვის კარგი ახალი ამბავი აქვს. ახლა მათ როგორც ახალი, ისე მეორადი ავტომობილის შეძენა განვადებით, 0%-დან შეუძლიათ, პირადობის მოწმობის წარდგენით. თუ ავტომობილის შეძენის მსურველები ისარგებლებენ ბანკ "რესპუბლიკის" განსაკუთრებული შეთავაზებით, რომელიც მხოლოდ 3-დან 9 მარტამდე მოქმედებს, ისინი ახალი ავტომობილის შეძენისას უფასოდ მიიღებენ 100 ლიტრ საწვავს, მეორადის შეძენისას კი - 50 ლიტრს.
"დღევანდელი ცხოვრების რიტმი საქმიანი, პირადი და ოჯახის მიზნებისთვის სწრაფად გადაადგილებას მოითხოვს. ხშირად გვსმენია, რომ მანქანის შეძენას სამომავლოდ დებენ სხვადასხვა მიზეზის გამო. ჩვენს არსებულ და პოტენციურ კლიენტებს მინდა ვამცნო, რომ ახლა შესაძლებელია როგორც ახალი, ისე მეორადი ავტომობილის 0%-დან განვადებით, მხოლოდ პირადობის მოწმობის წარდგენით შეძენა. კლიენტები თავად აირჩევენ, ავტოსალონს მიაკითხონ, თუ რომელიმე ფიზიკური პირისაგან შეიძინონ მეორადი ავტომობილი. ხოლო თუ ისინი 3-დან 9 მარტამდე მოქმედი შეთავაზებით ისარგებლებენ, დამატებითი წახალისების სახით საჩუქრად საწვავს მიიღებენ. ბანკი "რესპუბლიკა" მუდმივად ზრუნავს სხვადასხვა ცხოვრებისეულ სიტუაციაში მაქსიმალური კომფორტის შექმნაზე და მომხმარებელს მომავალშიც საინტერესო პროდუქტებს შესთავაზებს"- განაცხადა ბანკ "რესპუბლიკის" კომერციულმა დირექტორმა რამაზ კუკულაძემ.
ბანკის ინფორმაციით, დამატებითი ინფორმაციის მიღება ბანკის ყველა ფილიალშია შესაძლებელი. ვებგვერდზე: www.br.ge განთავსებული ინფორმაციის გარდა, ბანკის თანამშრომლები დაინტერესებულ პირებს სიამოვნებით გააცნობენ იმ ავტოსალონების ჩამონათვალს/კოორდინატებს, რომლებშიც ბანკ "რესპუბლიკის" შეთავაზება მოქმედებს.