რუსეთს უკვე დიდი ხანია აქვს ინტერესები და გავლენა სირიაში, მაგრამ აშშ მიიჩნევს, რომ მოსკოვი ვერ შეძლებს ამ ინტერესების შენარჩუნებას იმ შემთხვევაშიუ თუ ისინი ასადის რეჟიმთან იქნება დაკავშირებული. ეს განცხადება აშშ-ს სახლემწიფო მდივნის მოადგილემ ახლო აღმოსავლეთის საკითხებში ჯეფრი ფელტმანმა გააკეთა.
"მინდა დაგარწმუნოთ, რომ რუსეთთან კონტაქტები ყველა დონეზე სირიის საკითხთან მიმართებაში გრძელდება. რუსეთს უკვე დიდი ხანი აქვს სირიაში ინტერესები და გავლენა, მაგრამ ჩვენი აზრით, ამ გავლენის შენარჩუნებას რუსეთის ფედერაცია ვერ შეძლებს თუ ის ბასარ ასადის რეჟიმთან იქნება დაკავშირებული. იგი ჩაიძირება და ამიტომაც ასადის რეჟიმის მხარდაჭერა არც თუ ისე გონივრული გადაწყვეტილებაა რუსებისათვის", _ განაცხადა ფელტმანმა აშშ-ს კონგრესის სენატის საერთაშორისო კომიტეტში გამართულ მოსმენებზე.
მანვე განაცხადა, რომ ამ საკითხთან დაკავშირებით, აშშ-ს სახელმწიფო მდივნის ჰილარი კლინტონის თხოვნით ორი კვირის წინ მოსკოვში იმყოფებოდა.
"ვიგრძენი, რომ რუსეთში არის დისკომფორტი იმის გამო თუ რა სიტუაციაში იმყოფებიან ისინი. მათი ანალიზები ასადის მყიფე მდგომარეობის შესახებ ჩვენი ანალიზეებისაგან თითქმის არაფრით განსხვავდება. მაგრამ ჩვენ მაინც ნაწყენნი ვიყავით და ამიტომაც ახლა უკვე უფრო მკაცრ რიტორიკას ვიყენებთ რუსეთის მოქმედებების მიმართ",_ აცხადებს კლინტონის მოადგილე.
