საბანკო სექტორში განთავსებული არასაბანკო დეპოზიტების მოცულობამ 2012 წლის პირველი თებერვლისთვის 6.8 მლრდ ლარს მიაღწია, რაც 7.3 მლნ ლარით ანუ 0.1 პროცენტით მეტია 2012 წლის პირველი იანვრისთვის არსებულ ანალოგიურ მაჩვენებელზე. იანვარში, წინა თვესთან შედარებით, ადგილი ჰქონდა მოთხოვნამდე დეპოზიტების კლებას 61.8 მლნ ლარით ანუ 2.1 პროცენტით და ვადიანი დეპოზიტების ზრდას 4.5 მლნ ლარით ანუ 0.1 პროცენტით.
სებ-ის ინფორმაციით, მთლიანი არასაბანკო დეპოზიტების დოლარიზაციის კოეფიციენტმა მიმდინარე წლის პირველი თებერვლისათვის 59.0 პროცენტი შეადგინა - 1.0 პროცენტული პუნქტით ნაკლები 2012 წლის პირველი იანვრის მდგომარეობასთან შედარებით.
ვადიან დეპოზიტებზე საშუალო წლიურმა შეწონილმა საპროცენტო განაკვეთმა 8.6 პროცენტი შეადგინა, მათ შორის ეროვნული ვალუტით განთავსებულ დეპოზიტებზე - 11.8 პროცენტი, ხოლო უცხოური ვალუტით განთავსებულ დეპოზიტებზე - 8.1 პროცენტი.
უცხოური ვალუტით განთავსებულ დეპოზიტებში აშშ დოლარის წილმა 74.0 პროცენტი, ხოლო ევროს წილმა 21.5 პროცენტი შეადგინა.
