1-ლი თებერვლის მდგომარეობით, საქართველოს საბანკო სექტორი 19 კომერციული ბანკითაა წარმოდგენილი, მათ შორის 16 - საწესდებო კაპიტალში უცხოური კაპიტალის მონაწილეობით და 2 - უცხოური ბანკის ფილიალით. წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 6.3 მლნ ლარით, ანუ 0.05 პროცენტით შემცირდა და 12.7 მლრდ ლარი შეადგინა. საბანკო სექტორის საკუთარი სახსრები 2.1 მლრდ ლარს შეადგენს, რაც კომერციული ბანკების მთლიანი აქტივების 16.6 პროცენტია.
უცხოური კაპიტალის მონაწილეობამ ბანკების მთლიან განაღდებულ საწესდებო კაპიტალში 77.0 პროცენტი შეადგინა.
გასული თვე საბანკო სექტორმა ზარალით დაამთავრა. იანვრის წმინდა ზარალმა 7.6 მლნ ლარი შეადგინა.
ხუთი უმსხვილესი აქტივების მქონე ბანკის წილმა საბანკო სექტორის მთლიან აქტივებში 80.6 პროცენტი შეადგინა.