ხვალ, 1-ელ მარტს 10:30 საათზე, არასამთავრო ორგანიზაცია USAID-ს პროგრამა EPI-სა და აჭარის ტურიზმისა და კურორტების დეპარტამენტის ინიციატივით, MICE ტურიზმის სფეროში ვორკშოპი გაიმართება.
აჭარის ტურიზმის დეპარტამენტის ინფორმაციით, ვორკშოპს ინგლისელი ექსპერტი ჰარი ფაინი წარუძღვება, რომელსაც მრავალწლიანი გამოცდილება აქვს ტურიზმის ამ სფეროში . ჰარი ფაინი უკვე ორი კვირაა საქართველოშია და მუშაობს თემაზე „MICE ტურიზმის განვითარების სტრატეგია სქართველოში". ვორკშოპი განკუთვნილია ტურიზმის სფეროს წარმომადგენლებისათვის, რომლებიც უშუალოდ არიან ჩართულები საერთაშორისო ღონისძიებათა ორგანიზებაში.
