აჭარის მთავრობა ახალი საწარმოს მშენებლობისათვის ინვესტორს ეძებს. აჭარის ფინანსთა და ეკონომიკის სამინისტროს ინფორმაციით, ბათუმში, 3032,72 კვ.მ. შენობა-ნაგებობის და მასზე მიმაგრებული 22 606 კვ.მ. მიწის ნაკვეთის გასხვისება, 1-ელი მარტისთვის ჩანიშნულ პირობებიან აუქციონზე იგეგმება. ობიექტის საწყისი ღირებულება 476 ათასი ლარია.
საპრივატიზებო პირობების თანახმად, ინვესტორი ვალდებულია 2013 წლის 20 დეკემბრამდე ბათუმში ახალ საწარმო ააშენებს. ინვესტორი ვალდებულია ასევე საწარმოს ამოქმედებიდან მომდევნო 2 წლის განმავლობაში საწარმოში 50 მოქალაქე დაასაქმოს და იმავდროულად აღნიშნული პროექტში არანაკლებ 1,3 მლნ. ლარის ინვესტიცია განახორციელოს.
