ეკონომიკისა და მდგრადი განვითარების სამინისტროს ინფორმაციით, 2011 წლის იანვარ-დეკემბერში, საქართველოს ტრანსპორტის დარგების მიერ გადამუშავებულმა სატვირთო გადაზიდვების მოცულობამ, ჯამში 71,1 მლნ. ტონა შეადგინა. აღნიშნულ პერიოდში, საზღვაო ტრანსპორტის მიერ გადაზიდული ტვირთი 22,1 მლნ. ტონას გაუტოლდა.

2011 წელს, საქართველოს ტრანსპორტის დარგების მიერ გადამუშავებული სატვირთო გადაზიდვების 41% საგზაო ტრანსპორტზე მოდის, მას მოჰყვება საზღვაო ტრანსპორტი - 31% და რკინიგზა - 28%.

2011 წლის იანვარ-დეკემბერში, საგზაო და სარკინიგზო გადაზიდვები 1%-ით არის გაზრდილი.

საანგარიშო პერიოდში, ბათუმის საზღვაო ნავსადგურმა 7,9 მლნ. ტონა, ხოლო ფოთის საზღვაო ნავსადგურმა 7,2 მლნ. ტონა ტვირთი გადაზიდა.

2011 წლის იანვარ-დეკემბერში, საქართველოს სახმელეთო ტრანსპორტის მიერ 331,0 მლნ. მგზავრი იქნა გადაყვანილი, რაც 3%-ით მეტია გასული წლის ამავე პერიოდთან შედარებით