საქართველოში მოყვანილ ბალზე მოთხოვნა იზრდება. როგორც სააგენტო „ჯი-ეიჩ-ენს" „საქსტატში" განუცხადეს, 2011 წელს საქართველოდან 177,1 ტონა ბალის ექსპორტი მოხდა, მაშინ როდესაც 2010 წელს საქართველოდან 34,6 ტონა ბალია ექსპორტირებული. სტატისტიკური ინფორმაციის თანახმად, 2011 წელს 2010 წელთან შედარებით ექსპორტის მოცულობა 142,5 %-ით გაიზარდა.
„საქსტატის" ინფორმაციით, 2011 წელს საქართველოდან 122,7 ათასი დოლარის ღირებულების ბალია გატანილი, ხოლო 2010 წელს 11,8 ათასი დოლარის ღირებულების ბალი. ექსპორტის ზრდასთან ერთად, 2011 წელს ქართული ბალის საექსპორტო არეალიც გაიზარდა. „საქსტატის" ინფორმაციით, 2011 წელს ქართული ბალის ექსპორტი განხორციელდა აზერბაიჯანში, ბელორუსში და ასევე ყაზახეთში.
