გამოცდების ეროვნული ცენტრის ხელმძღვანელი მაია მიმინოშვილი "განათლების კვირეულის" ფარგლებში 23 თებერვალს ღია კარის დღეს გამართავს. მაია მიმინოშვილი და ცენტრის თანამშრომლები საგამოცდო საკითხებით დაინტერესებული პირების შეკითხვებს 23 თებერვალს, 14:00 საათზე, გამოფენების ცენტრ "ექსპო ჯორჯიაში" უპასუხებენ.
განათლების საერთაშორისო გამოფენა "საქართველოს განათლების კვირეული 2012" 23-26 თებერვალს გაიმართება.
გამოფენის თანაორგანიზატორები არიან საქართველოს განათლებისა და მეცნიერების სამინისტრო და თბილისის მერია. წარმოდგენილი იქნება როგორც კერძო, ასევე სახელმწიფო სასწავლო დაწესებულებები (ივანეჯავახიშვილის სახელობის თბილისის სახელმწიფო უნივერსიტეტი, საქართველოს ტექნიკური უნივერსიტეტი, ილიას სახელობის სახელმწიფო უნივერსიტეტი და სხვა) უმაღლესი და პროფესიული სასწავლებლები.
გამოფენაში მონაწილეობას მიიღებენ საერთაშორისო და დონორი ორგანიზაციებიც, რომელთა ძირითად მიზანს საგანმანათლებლო სექტორის განვითარება და ხელშეწყობა წარმოადგენს.
წელს გამოფენაში მონაწილეობას იღებს 80-ზე მეტი მონაწილე ორგანიზაცია, მათ შორის 40 უცხოური უნივერსიტეტი და კოლეჯი.
