გავლენიანმა ბრიტანულმა გაზეთმა "The Guardian"-მა 2010 წლის მსოფლიოს "ცხელი წერტილების" რეიტინგი შეადგინა. აღნიშნულ რეიტინგში სამხრეთ და ჩრდილოეთ კავკასიაში არსებულ კონფლიქტებს მერვე ადგილი უჭირავთ.
გაზეთის ინფორმაციით, ექსპერტთა მონაცემებით "იმ შემთხვევაში თუკი 2010 წელი სრულიად მშვიდად ჩაივლის ამ რეგიონში უსიამოვნებები მაინც აუცილებლად იქნება. თუმცა საკითხი იმაში მდგომარეობს "თუ რამდენად დიდი უსიამოვნებები იქნება ეს".
გაზეთის აზრით, მსოფლიოს "ცხელი წერტილების" რეინიგში მერვე ადგილი "კოლექტიურად უჭირავთ" კონფლიქტებს სამხრეთ და ჩრდილოეთ კავკასიაში (ინგუშეთი, დაღესტანის, ჩეჩნეთი, აზერბაიჯანი, სომხეთი, მთიანი ყარაბაღი, საქართველო, ე.წ. სამხრეთ ოსეთი და აფხაზეთი).
პირველი ადგილი, გაზეთის ექსპერტებმა ირანს მიაკუთვნეს, რომელსაც "ნომერ პირველი საერთაშორისო თავის ტკივილი უწოდეს". მეორე ადგილზე პაკისტანი და ავღანეთია. მესამეზე ისრაელ-პალესტინის პრობლება. მეოთხეზე იემენი. მეხუთეზე სუდანი, რომელსაც ექსპერტებმა "ნელი მოქმედების ნაღმი" უწოდეს. მეექვსეზე ზიმბაბვე. მეშვიდეზე ჩინური სინ-ძიანი და ტიბეტი. მერვეზე სამხრეთ და ჩრდილოეთ კავკასია.
