ბიძინა ივანიშვილის განცხადებით, ის დარწმუნებულია, რომ ხელისუფლება მოქალაქეობას აღუდგენს და პოლიტიკური პარტია "ქართული ოცნების" ლიდერი და პარტიული სიის პირველი ნომერი თავად იქნება. როგორც მან პარტიის საინიციატივო ჯგუფის წარდგენისას განაცხადა, იმ შემთხვევაში, თუ მოქალაქეობას არ აღუდგენენ, პარტიას სათავეში მისი მეუღლე, ეკატერინა ხვედელიძე ჩაუდგება.
"ისინი კარგად ახერხებენ კანონით მანიპულირებას. ეს არის სააკაშვილისეული დემოკრატია, თუმცა მისი ხასიათისა და ფანტაზიის მიუხედავად, კანონდარღვევებსაც აქვს ზღვარი. ის ვერ შეძლებს, არ დამიბრუნოს უკანონოდ ჩამორთმეული მოქალაქეობა", - განაცხადა ივანიშვილმა.
მისი თქმით, თუ მაინც მოხდა ისე, რომ მას მოქალაქეობა არ აღუდგინეს, არსებობს ისეთი გეგმა, რომელიც აუცილებლად გამოიღებს შედეგს.