მიხეილ სააკაშვილი აბსოლუტურად მოწყვეტილია რეალობას და ელემენტალური ანალიზის გაკეთების უნარი არ შესწევს. ამის შესახებ დღეს გამართული "ქართული ოცნების" საინიციატივო ჯგუფის წარდგენისას ბიძინა ივანიშვილმა განაცხადა.
"არ იშურებს ეპითეტებს და ბნელეთის ძალებს უწოდებს თავის ოპონენტებს, ზოგჯერ მუმიებად მოიხსენიებს მათ. მას ავიწყდება, რომ ქმედებით უნდა აჩვენოს საზოგადოებას როგორია ის და არა ლანძღვით და მსგავსი გამონათქვამებით. ხალხს ის უკრძალავს საკუთარი ქონება მოიხმარონ როგორც უნდათ, ამავდროულად მას აქვს ილუზია იმის, რომ ეს ხალხი მივა და არჩევნებში მას ხმას მისცეს. ამით კიდევ ერთხელ ამტკიცებს ის, რომ აბსოლუტურად მოწყვეტილია რეალობას და ელემენტალური ანალიზის გაკეთების უნარი არ შესწევს", - განაცხადა ივანიშვილმა.
შეგახსენებთ, რომ "ქართული ოცნების" საინიციატივო ჯგუფის პრეზენტაცია დღეს, "ქართული ოცნების" ცენტრალურ ოფისში გაიმართა.
