"მე გადავწყვიტე შევქმნა პოლიტიკური პარტია და მონაწილეობა მივიღო 2012 წლის საპარლამენტო არჩევნებში. ეს განცხადება გასული წლის 4 ოქტომბერს გავაკეთე. 4 თვეზე ცოტა მეტი გავიდა ჩემი გადაწყვეტილების გახმოვანების შემდეგ. ჩვენ მოვახერხეთ ამ პერიოდში პარტნიორებთან გავრკეულიყავით. პროცესი გაერთიანების პრაქტიკულად დავასრულეთ", - განაცხადა ივანიშვილმა "ქართული ოცნების" საინიციატივო ჯგუფის წევრების წარდგენისას.

შეგახსენებთ, რომ "ქართული ოცნების" საინიციატივო ჯგუფში შემდეგი პირები იქნებიან: სპორტსმენი კახი კალაძე, ჟურნალისტი ელისო ჩაფიძე, საერთაშორისო საქველმოქმედო ფნოდი "ქართუს" პრეზიდენტი ირაკლი ღარიბაშვილი, ადვოკატი არჩილ კბილაშვილი, მწერალი გურამ ოდიშარია, მეცნიერ-მათემატიკოსი ივანე კიღურაძე, მსახიობი ნინელი ჭანკვეტაძე, ექსპერტი ირაკლი სესიაშვილი, ზურაბ ჟვანიას ძმა და ბიზნესმენი გიორგი (გოგლა) ჟვანია, იურისტი თამაზ აბდალიანი, ადამიანის უფლებათა დამცველი მანანა კობახიძე, ექსპერტი ნოდარ ხადური, ყოფილი საგარეო საქმეთა მინისტრი თედო ჯაფარიძე, ექსპერტი გიორგი ვოლსკი, ყოფილი სპორტსმენი ლერი ხაბელოვი, ნუგზარ დავითაშვილი, იურისტი ზაქარია ქუცნაშვილი და საზოგადეობრივი მოძრაობა "ქართული ოცნების" პრესსპიკერი, დიპლომატი, მაია ფანიჯიკიძე.