მთავრობამ ახალი საავადმყოფოების მშენებლობის დასრულების თარიღები განსაზღვრა. აღნშნულის შესახებ საქართველოს მთავრობის დადგენილება უკვე ძალაშია, რომელსაც ხელს პრემიერ-მინისტრი ნიკოლოზ გილაური აწერს.
მიღებული გადაწვეტილების თანახმად, კონკურსში გამარჯვებული სადაზღვევო კომპანია/ამხანაგობა ვალდებულია, დადგენილ ვადაში დაასრულოს სამედიცინო რაიონში დაგეგმილი საავადმყოფო.
საავადმყოფოს მშენებლობის დასრულების ვადად განისაზღვრა: ბორჯომი და წნორი - 2012 წლის 1 მარტი, გურჯაანი, თელავი, ფოთი, ქობულეთი და მესტია - 2012 წლის 31 მარტი, ქუთაისი, ბათუმი და ხულო - 2012 წლის 1 ივნისი, სენაკი და ჩხოროწყუ - 2012 წლის 1 მაისი.
საავადმყოფო დასრულებულად ჩაითვლება უწყებათაშორისი კომისიის მიერ მიღებული გადაწყვეტილების საფუძველზე.
ამასთან, სადაზღვევო კომპანიის/ამხანაგობის მიერ საავადმყოფოს დასრულების შესახებ დოკუმენტების წარდგენის შემდეგ დასკვნის მომზადებამდე გასული პერიოდი არ ჩაითვლება პირობის შეუსრულებლობის საფუძვლად.