საქართველოს პრეზიდენტის პრესსპიკერის მანანა მანჯგალაძის განცხადებით, საქართველოს ხელისუფლება უკიდურესად შეშფოთებულია თბილისში ისრაელის საელჩოს თანამშრომელზე თავდასხმის მცდელობის გამო.
"საქართველოს ხელისუფლება უკიდურესად შეშფოთებულია თბილისში ისრაელის საელჩოს თანამშრომელზე თავდასხმის მცდელობის გამო და აღნიშნულ ფაქტს განიხილავს როგორც ძალიან მნიშვნელოვან გამოწვევას ჩვენი სახელმწიფოსათვის. გმობს რა ტერორიზმის ნებისმიერ გამოვლინებას, საქართველოს ხელისუფლება ყველა რესურს გამოიყენებს, რათა სათანადოდ იქნას გამოძიებული აღნიშნული ფაქტი", - ნათქვამია მანანა მანჯგალაძის განცხადებაში, რომელიც პრეზიდენტოს ოფიციალურ ვებგვერდზე გამოქვეყნდა.
შეგახსენებთ, რომ 13 თებერვალს ქართველმა სამართალდამცველებმა საქართველოში ისრაელის საელჩოს თანამშრომლის, რომან ხაჩატურიანის ავტომობილზე ასაფეთქებელი მოწყობილობა აღმოაჩინეს.
