აჭარის მთავრობის თავმჯდომარემ, ლევან ვარშალომიძემ, საქართველოში აზერბაიჯანის რესპუბლიკის ელჩი, აზერ ტოპიგ ოღლუ ჰუსეინი და გენერალური კონსული ჰუსეინ ნაჯაფოვი მიიღო.
ვარშალომიძემ აზერ ტოპიგ ოღლუ ჰუსეინს საქართველოში დიპლომატიური მოღვაწეობის დაწყება მიულოცა. მან აღნიშნა, რომ აჭარას აზერბაიჯანის რეგიონებთან და ქალაქებთან მჭიდრო ურთიერთობის დიდი ისტორია აკავშირებს, რაც სასურველია კიდევ უფრო გაღრმავდეს.
მთავრობის თავმჯდომარემ და სტუმრებმა ნახჭევანის ავტონომიური რესპუბლიკის უმაღლესი მეჯლისის დელეგაციის ბათუმში ხვალინდელ ვიზიტთან დაკავშირებით ისაუბრეს. ორდღიანი ვიზიტის ფარგლებში იგეგმება აჭარისა და ნახჭევანის ავტონომიურ რესპუბლიკებს შორის კულტურულ და ეკონომიკურ სფეროებში თანამშრომლობის დაწყება.
