ახალგაზრდა იურისტთა ასოციაცია „მოქალაქეთა პოლიტიკური გაერთიანებების შესახებ" კანონთან დაკავშირებით საკანონმდებლო წინადადებას მოამზადებს. როგორ „ჯი-ეიჩ-ენს" საიას საპარლამენტო წარმომადგენლემა თათული თოდუამ განუცხადა, კანონში პარლამენტის მიერ შეტანილი ცვილებები პარტიების დაფინანსების კუთხით მნიშვნელოვან საფრთხებს შეიცავს, რაც აუცილბელია გამოსწორდეს.
მისი თქმით, საკანონმდებლო წინადადებები საიას საგაზაფხულო სესიის გახსნითვის უკვე მზად ექნება.
ამასთან, თოდუა იმედს გამოთქვამს, რომ პარლამენტი მათ წინადადებებს გონივრულ ვადებში განიხილავს და იგივე ბედი არ ეწევა, რაც დევნილებთან დაკავშირებით შემოტანილ საკანონმდებლო წინადადებას, რომელიც საიამ პარლამეტშო გასული წლის ივნისში შემოიტანა, თუმცა ყოველგვარი ვადების ამოწურვის მიუხედავად დღემდე არ განხილულა.
შეგახსენებთ, რომ „მოქალაქეთა პოლიტიკური გაერთიენებების შესახებ" კანონში ცვლილბები პარლამენტმა გასული წლის დეკემბერში დაამტკიცა, რომლის თანახმად პარტიებს დაფინანსების კუთხით მთელი რიგი შეზღუდვები უწესდებათ.
კერძოდ კი, მიღებული გადაწყვეტილების თანახმად, აკრძალულია ფინანსური და მატერიალური შემოწირულობების მიღება: სხვა ქვეყნის ფიზიკური და იურიდიული პირებისაგან, სახელმწიფო ორგანოსა და ორგანიზაციისაგან, გარდა ამ კანონით დადგენილი შემთხვევებისა; სახაზინო საწარმოსა და საწარმოსაგან, რომელშიც სახელმწიფოს წილი 20%-ზე მეტია; საზოგადოებრივი გაერთიანებისაგან.
ამასთან, პარტიის მიერ მიღებული ანონიმური ფინანსური და მატერიალური შემოწირულობების საერთო ღირებულება წელიწადში არ უნდა აღემატებოდეს 30 000 ლარს.
