დღეს, 16:00 საათზე, საქართველოში საფრანგეთის საელჩოს შენობასთან საქართველოში მაცხოვრებელი სომხები და სომხური არასამთავრობო ორგანიზაციები მადლიერების აქციას სახელწოდებით "Merci" -ს გამართავენ.
"ეს მადლიერების მეორე აქცია იქნება, რომელზეც სხვა და სხვა სომხური ორგანიზაციები თავის მადლიერებას გამოხატავენ საფრანგეთის სენატისადმი, რომელმაც 23 იანვარს მხარი დაუჭირა კანონპროექტს, რომელიც სომხების გენოციდის კრიმინალიზაციას ითვალისწინებს", _ ნათქვამია სომხური არასამთავრობო ორგანიზაციების მიერ გავრცელებულ განცხადებაში.
ამას გარდა, საქართველოში საფრანგეთის საელჩოს შენობის წინ შეკრებილი საზოგადოება საქართველოს სომხების სახელით მადლიერების წერილს გადასცემს საფრანგეთის საელჩოს 1915 სიმბოლური ხელმოწერით (სომხების გენოციდი ოსმალეთის იმპერიის მიერ 1915 წელს განხორციელდა).
შეგახსენებთ, რომ პირველად მადლიერების აქცია სახელწოდებით "Merci" თბილისში, სომხების მიერ 2011 წლის დეკემბერში განხორციელდა, მას შემდეგ რაც საფრანგეთის ნაციონალურმა საკრებულომ კანონპროექტი მიიღო.
