სახალხო კრების აღმასრულებელმა საბჭომ სამუშაო შეხვედრა გამართა, რომელსაც სოციალ-დემოკრატიული პარტიის თავმჯდომარე გია ჟორჟოლიანი ესწრებოდა.
როგორც "ჯი-ეიჩ-ენს" სახალხო კრებიდან აცნობეს, სამუშაო შეხვედრაზე განხილული იქნა ქვეყანაში არსებული პოლიტიკური რეალობა და მიმდინარე პოლიტიკური მოვლენები.
"შეხვედრაზე იმჯელეს იმ კონკრეტული გეგმებისა და ნაბიჯების შესახებ, რომელიც უნდა გადაიდგას, რათა რეალური გახდეს ხელისუფლების შეცვლა, სამართლიანი, არჩევნების ჩატარება და ქვეყნის განვითარების ნორმალურ კალაპოტში გადაყვანა.
სახალხო კრების აღმასრულებელი საბჭო მსგავს კონსულტაციებს და აქტიურ თანამშრომლობას გეგმავს როგორც პოლიტიკურ პარტიებთან, ასევე საზოგადოებრივ ორგანიზაციებთან", - აცხადებენ სახალხო კრების წარმომადგენლები.