2002 წლის 11 იანვარს "ისლამური ექსტრემიზმის მხარეს მებრძოლი რამდენიმე ადამიანი ავღანეთიდან კუბის კუნძულ გუანტანამოზე ჩაიყვანეს და 10 წლის გასვლის შემდეგაც იქ 171 პატიმარი რჩება. ეს ციხე აშშ-ს იურიდიული და ესე იგი მორალური თვითნებობის სიმბოლოდაა ქცეული", _ წერს "Le Figaro".

"ობამამ სიტყვა არ შეასრულა და "ტერორისტებისათვის განკუთვნილი ციხე" ვერ დახურა. მას ასევე ვერ შეძლო ვეტო დაედო კანონზე, რომელიც იქ მყოფი პატიმრების აშშ-ს ციხეებში გადაყვანის აკრძალვას ითვალისწინებს. მათ საქმეებს ახლაც სამხედრო ტრიბუნალები განიხილავენ", _ წერს სტატიის ავტორი.

"ეს საშინელებაა", _ აცხადებს უფლებების დამცველი ორგანიზაცია "Human Rights Watch"-ის წარმომადგენელი და აგრძელებს: "ახლა უკვე ხელმოწერილია კანონი. რეპრესიული სახელმწიფოები ამ ფაქტით ახლა როგორც მაგალითით ისე ისარგებლებენ".

"171 პატიმრიდან "განთავისუფლებას დაქვემდებარებულად" 89 აღიარეს, თუნცა არც ერთი მათგანი ჯერ-ჯერობით განთავისუფლებული არ არის, იმის გამო, რომ არც ერთ ქვეყანას არ სურთ მათი მიღება, სამშობლოში კი მათ საფრთხე ემუქრებათ და შესაძლოა ისინი აწამონ. ამას გარდა, ბარაკ ობამას ამ ადამიანების დაბრუნება არ სურს იმ ქვეყნებში სადაც ჯერ კიდევ "ალ ქაიდას" გავლენა ვრცელდება. პენტაგონის ინფორმაციით, გუანტანამოს ციხიდან განთავისუფლებული ყოველი მეოთხე პატიმარი ძველ საქმიანობას დაუბრუნდა", _ ნათქვამია სტატიაში.

გუანტანამო - აშშ-ს ისტორიაში ყველაზე ძვირი ციხეა: ყოველი პატიმრისათვის წელიწადში გამოყოფილია 800 ათასი აშშ დოლარი. იმ შემთხვევაში თუ ნოემბერში აშშ-ში რესპუბლიკელს აიჩევენ პრეზიდენტად, მაშინ ამ ციხის პერსპექტივები კიდევ უფრო კარგია: ფავორიტი მიტტ რომნი, რომელიც დახრჩობის იმიტაციას წამებად არ მიიჩნევს აცხადებს, რომ მას გუანტანამოს პატიმრების რაოდენობის" გაორმაგება" სურს.
"ბოლო ერთ წელზე მეტი ხნის განმავლობაში გუანტანამოს ციხიდან არ ერთი ადამიანი არ განთავისუფლებულა", _ წერს "The Washington Post"-ი თავის სტატიაში სახელწოდებით "გუანტანამოს ციხის მომავალი, რომელსაც 10 წელი შეუსრულდა - ბუნდოვანია".
სულ ამ ციხეში ამჟამად 171 პატიმარია. ობამას ადმინისტრაციამ მიიჩნია, რომ მათგან 59 შესაძლოა სხვა ქვეყნებში გადაიყვანონ ხოლო 30 იემენელი კი რეპატრიაციას დაუქვემდებარონ იმ შემთხვევაში თუკი მათ სამშობლოში მდგომარეობა დასტაბილურდება.
"დანარჩენებს ან გაასამართლებენ ან ისინი პატიმრობაში დარჩებიან გაურკვეველი ვადით", _ იუწყება გაზეთი.