უკრაინის უშიშროების სამსახურის გამომძიებელმა, უკრაინის ექს-პრემიერის ქალიშვილს ევგენიას ხარკოვის კოლონიაში დედის მონახულების უფლება მისცა. ინფორმაციას ამის შესახებ უკრაინის უშიშროების სამსახურის პრესსამსახური ავრცელებს.
"ოთხ იანვარს დამცველის ვლასენკო სერგეის მიმართვის საფუძველზე უკრაინის უშიშროების სამსახურის გამომძიებელმა მიიღო გადაწყვეტილება ხარკოვის ოლქის კაჩანოვკის კოლონიაში მყოფი ტიმოშენკო იულიასთან პაემანის ნებართვის მიცემის შესახებ ბრალდებულის შვილისათვის - ტომოშენკო ევგენიასათვის", _ ნათქვამია გავრცელებულ განცხადებაში.
ამასთან, ერთად უკრაინის უშიშროების სამსახური აღნიშნავს, რომ საგამოძიებო სამმართველო აგრძელებს იულია ტიმოშენკოს წინააღმდეგ აღძრული სისხლის სამართლის საქმის წარმოებას, რომელშიც მას ბრალი ედება განსაკუთრებით დიდი ოდენობით საბიუჯტო სახსრების გაფლანგვაში.
შეგახსნებთ, რომ 2011 წლის ოქტომბერში იულია ტიმოშენკოს რუსეთთან გაფორმებული გაზის კონტრაქტებთან დაკავშირებული საქმის გამო 7 წლით თავისუფლების აღკვეთა მიუსაჯეს.
