ახალი "საარჩევნო კოდექსის" მიხედვით, რომელიც პარლამენტმა უკვე დაამტკიცა საარჩევნო აგიტაციაში მონაწილეობის მიღება კანონის დარღვევით 2000 ლარის ოდენობის ჯარიმით ისჯება.
ძველ კოდექსში კი წინასაარჩევნო აგიტაციაში მონაწილეობის მიღება კანონის დარღვევით იწვევდა 1500 ლარის ოდენობით დაჯარიმებას.
ამასთან, წინასაარჩევნო მოწოდებების, განცხადებების, წარწერების, ფურცლების, ფოტო- და სხვა მასალების გავრცელებისათვის ხელის შეშლა და ჩამორთმევა, აგრეთვე სააგიტაციო დანიშნულების ავტოსატრანსპორტო და სპეციალური მოწყობილობით აღჭურვილ სხვა საშუალებათა ჩამორთმევა ან წინასაარჩევნო აგიტაციის მიზნით მათი გამოყენებისათვის ხელის შეშლა გამოიწვევს დაჯარიმებას 1000 ლარის ოდენობით.
აღსანიშნავია, რომ ძველ კოდექსში არ იყო გათვალისწინებული აღნიშნული ჯარიმა თანამდებობის პირებისთვის, თუმცა ახალ "საარჩევნო კოდექსის" მიხედვით თანამდებობის პირების მიერ იგივე ქმედების ჩადენა გამოიწვევს მათ 2000 ლარის ოდენობით დაჯარიმებას.
