მმართველი პარტიის მტკიცებით, რუსეთის მხრიდან ვმო-ს შეთანხმებაზე გაკეთებული განცხადება აფხაზეთისა და ცხინვალის რეგიონის, როგორც საქართველოდ ტერიტორიებად აღიარების დაფარვის მცდელობაა.
როგორც "ჯი-ეიჩ-ენს" პარლამენტის საგარეო ურთიერთობათა კომიტეტის თავმჯდომარემ აკაკი მინაშვილმა განუცხადა, ის, რომ რუსეთის ფედერაციამ წამოვიდა იმაზე, რომ საქართველოს საზღვრებზე, აფხაზეთსა და ცხინვალის რეგინში საერთაშორისო მონიტორები განთავსდებიან ეს ამ რეგიონების დე-ფაქტო აღიარებას ნიშნავს.
"ის, რომ რუსეთის ხელისუფლებამ მოლაპარაკება აწარმოა საქართველოს ხელისუფლებასთან ჩვენს საზღვრებზე აფხაზეთისა და ცხინვალის რეგიონის მონაკვეთზე განთავსებულიყო საერთაშორის დამკვირვებლები, რომლებიც მონიტორინგს გაწევრნ ტვირთების შემოსვლას საქართველოს ტერიტორიაზე, ეს არის დე-ფაქტო აღიარება", - აღნიშნა მინაშვილმა.
მისივე შეფასებით, რუსეთის გაღიზიანების ყველაზე კარგი ინდიკატორი ის არის, რომ ვმო-ს შეთანხმების ხელისმოწერის მომენტისთანავე პირველი კრიტიკა კრემლის მისამართით სწორედ აფხაზეთიდან და ცხინვალის რეგიონიდან წამოვიდა, რომლებმაც ცალსახად განაცხადეს, რომ ეს არის მათი "დამოუკიდებლობის" შელახვა.
შეგახსენებთ, რომ რუსეთის საგარეო საქმეთა სამინისტრო ქართულ მხარეს რუსეთსა და საქართველოს შორის რუსეთის ვაჭრობის მსოფლიო ორგანიზაციაში გაწევრიანების შესახებ შეთანხმების გამოქვეყნებას ურჩევს.
ლავროვის უწყება მოუწოდებს ქართულ მხარეს გამოაქვეყნოს ეს შეთანხმება და საქართველოს მოსახლეობას თავისი თვალით ანახოს, რომ მასში მოყვანილი ტერმინები აფხაზეთისა და სამხრეთ ოსეთის ე.წ. რესპუბლიკების სტატუსს ასახავს ისე, როგორც დამოუკიდებელი საბაჟო ტერიტორიებისა.