მმართველი პარტია ამერიკის საელჩოს განცხადებას გამოეხმაურა. როგორც დღეს გამართულ ბრიფინგზე საგარეო ურთიერთობათა კომიტეტის თავჯდომარემ აკაკი მინაშვილმა განაცხადა, აშშ-ის საელჩოს განცხადებაში, რომელიც ახალ საარჩევნო კოდექსს და მოქალაქეთა პოლიტიკური გაერთიანებების შესახებ კანონში შეტანილ ცვლილებებს ეხება, მთლიანად პოზიტიურად არის შეფასებული. თუმცა მინაშვილი მწუხარებას გამოთქვამს, რომ ამერიკის საელჩო "შეცდომაში შეიყვანეს".
"საელჩოს მიერ გაკეთებული განცხადება მთლიანობაში პოზიტიურია. მაგრამ რაც შეეხება პოლიტიკური გერთიანებების შესახებ კანონში შესულ ცვლილებებს, მათ მიერ გაკეთებული განცხადება, გამოწვეულია იქიდან, რომ მცდარი ინფორმაცია მიაწოდეს", - აღნიშნა მინაშვილმა.
ამასთან, მინაშვილმა აღნიშნა, რომ მსგავსი განცხადებების გაკეთებამდე საკითხს კარგად უნდა გაეცნონ.