მთავრობა 2012 წლიდან 10-წლიან ფასიან ქაღალდებს გამოუშვებს. როგორც დღეს ფინანსთა მინისტრმა, დიმიტრი გვინდაძემ, მთავრობის სხდომის დასრულების შემდეგ განაცხადა, 2011 წელის ქვეყნისთვის საკმაოდ წარმატებული და ნაყოფიერი წელი იყო. ფინანსთა მინისტრმა 2012 წლის პრიორიტეტებზედაც ისაუბრა და აღნიშნა, რომ მომავალ წელს ფასიანი ქაღალდების შიდა ბაზრის განვითარება გაგრძელდება.
"რეალურად, 2011 წელს ქვეყნის ფასიანი ქაღალდების ნაშთი 520 მლნ ლარის ოდენობისაა. 2012 წლისთვის ფასიანი ქაღალდების ჯამური ემისია, წმინდა ემისიიდან გამომდინარე, დაახლოებით 100 მლნ. ლარს შეადგენს, რაც მნიშვნელოვანია საბანკო და კერძო სექტორის განვითარებისთვის. მნიშვნელოვანია ისიც, რომ თუ 2 წლის წინ ჩვენ დავიწყეთ 6-თვიანი ფასიანი ქაღალდების გამოშვება, 2012 წელს გამოვუშვებთ 10-წლიან ფასიან ქაღალდებს. რაც ნიშნავს იმას, რომ ნდობა ლარის მიმართ კერძო სექტორში სულ უფრო და უფრო მყარდება", - განაცხადა გვინდაძემ.