კონტროლის პალატა უფლებამოსილი ხდება პოლიტიკური გაერთიანების, ფიზიკური ან/და იურიდიული პირის ქონებას ყადაღა დაადოს.
აღნიშნულთან დაკავშირებით ცვლილებები „მოქალაქეთა პოლიტიკურ გაერთიანებების შესახებ" კანონში დღეს, პარლამენტმა მესამე მოსმენით დაამტკიცა.
მიღებული გადაწყვეტილების თანახმად, კონტროლის პალატა ადებს ყადაღას პოლიტიკური გაერთიანების, ფიზიკური ან/და იურიდიული პირის ქონებას (მათ შორის საბანკო ანგარიშებს), რომელიც შემდგომში შეიძლება გასაჩივრდეს სამართალდარღვევის თაობაზე გამოცემულ დადგენილებასთან ერთად სასამართლოში.
აღსანიშნავია, რომ გასაჩივრება ყადაღის მოქმედებას არ აჩერებს.