პარტიას კანონის დარღვევით მიღებული ფინანსური და მატერიალური შემოწირულობების მიღების შემთხვევაში სახელმწიფო დაფინასება შეიძლება შეუწყდეს. აღნიშულის შესახებ „მოქალაქეთა პოლიტიკური გაერთიანებების შესახებ" ცვლილბები დღეს, პარლამენტის რიგგარეშე სხდომაზე მესამე მოსმენით დაამტკიცეს.
მიღებული გადაწყვეტილების თანახმად, თუ პარტიის მიერ კანონის დარღვევით მიღებული ფინანსური და მატერიალური შემოწირულობების საერთო ღირებულება წელიწადში 2000-დან 15000 ლარამდეა, პარტიას მოეხსნება სახელმწიფო დაფინანსება 1 წლის განმავლობაში.
ასევე ორი წლის განმავლობაში სახელმწიფო დაფინასება მოეხსნება პარტიას თუ უკანონოდ მიღებული შემოწირულბა 15000-დან 50000 ლარამდეა, ხოლო 50000 ლარზე მეტის შემთხვევაში პარტიას სახელმწიფო დაფინანსება 4 წლის განმავლობაში ეხსნება.