პარტიებს ამომრჩევლის მოსყიდვად არ ჩაეთვლებათ ისეთი დაპირება, რომელსაც ისინი ხელისუფლებაში მოსვლასთან დაკავშირებით გააჟღერებენ. ამის შესახებ პარლამენტის დღეს, პარლამენტის რიგგარეშე სხდომაზე, "მოქალაქეთა პოლიტიკური გაერთიანებების შესახებ" კანონპროექტის განხილვისას უმრავლესობსი წევრმა აკაკი მინაშვილმა განაცხადა.
მისი თქმით, აღნიშნული გადაწყვეტილება არასამთავრობო ორგანიზაციებთან კონსულტაციების გავლის შემდეგ მიიღეს.
"პროექტში დავაზუსტებთ, რომ აკრძალვა არ ეხება იმ სახის დაპირებებს, რომელიც შეიძლება პარტიებმა გააკეთონ ხელისუფლებაში მოსვლის შემთხვევაში", - განაცხადა მინაშვილმა.
აღნიშნულს პარლამენტის თავმჯდომარე დავით ბაქრაძეც გამოეხმაურა და დადებითად შეაფასა პროექტში ჩანაწერის რედაქციულად გასწორება.
აღსანიშნავია, რომ პროექტში აქამდე ჩაწერილი იყო, რომ პარტიებს ეკრძალებათ ისეთი დაპირების გაცემა, გარდა დაპირებისა, რომელიც უკავშირდება საბიუჯეტო რესურსების სამომავლო განაწილებას.
