პოლიტიკურ პარტიებს ტრადიციულ დღესასწაულებზე ამომრჩევლებისთვის 5 ათასი ლარის ოდენობის საჩუქრების გაცემის უფლება ექნებათ. ამის შესახებ იურიდიულ საკითხთა კომიტეტის სხდომაზე "სისხლის სამართლის კოდექსში" შესატანი ცვლილებების განხილვისას, კანონპროექტის ერთ-ერთმა ინიციატორმა ჩიორა თაქთაქიშვილმა აღნიშნა.
მისი თქმით, არასამთავრობო ორგანიზაციებთან გამართული კონსულტაციების შემდეგ გადაწყდა, რომ პარტიებს, რომლებიც ტრადიციულ დღესასწაულზე ამომრჩეველს ან სხვა პირებს სიმბოლურ საჩუქრებს დაურიგებენ ის "მოსყიდვად" არ დაკვალიფიცირდება.
თუმცა, თაქთაქიშვილის განმარტებით საჩუქრებისთვის განკუთვნილმა თანხამ 5 ათას ლარს არ უნდა გადაჭარბოს.
