"ქართული დასის" ლიდერის ჯონდი ბაღათურიას საკანონმდებლო ინიციატივას პარლამენტმა მხარი ერთხმად დაუჭირა.
როგორც დღეს, პარლამენტის რიგგარეშე სხდომაზე ინიციატივის განხილვისას იურიდიულ საკითხთა კომიტეტის თავმჯდომარემ პავლე კუბლაშვილმა აღნიშნა, მმართველი პარტია მხარს უჭერს ბაღათურიას ინიციატივას თუ ის მხოლოდ პენსიონერებისა და სიღარიბის ზღვარს ქვემოთ მყოფებისთვის უბილეთოდ მგზავრობისა და გაზის უკანონო მოხმარებისთვის დარიცხული ჯარიმების ამინისტიას შეეხება.
თუმცა, როგორც სხდომაზე მთავრობის საპარლამენტო მდივანმა გია ხუროშვილმა აღნიშნა, საკანონმდებლო ინიციატივაში საუბარია არა მხოლოდ პენსიონერებისა და სიღარიბის ზღვარს ქვემოთ მყოფების ჯარიმებისგან განთავისუფლებაზე, ასევე სიგარეტისა და ნავთობის კონტრაბანდისტებზეც.
აღნიშნულთან დაკავშირებით, კუბლაშვილმა ბაღათურიას მოუწოდა, რომ პრინციპების დონეზე მისი ინიციატივა მისაღებია, თუმცა მეორედ მოსმენამდე კანონპროექტი უნდა გაიმართოს.